Presidenti ukrainas Volodymr Zelensky ka reaguar ashpër ndaj ish-Sekretarit amerikan të Shtetit, Henry Kissinger, i cili sugjeroi se negociatat e paqes duhet të synojnë krijimin e kufijve përgjatë “vijës së kontaktit” në Donbas siç ekzistonte në prag të pushtimit rus, shkruan CNN.
Në një video-mesazh, Zelensky tha: Pavarësisht se çfarë bën shteti rus, ka dikush që thotë: “le të marrim parasysh interesat e tij”. Këtë vit në Davos u dëgjua përsëri. Pavarësisht nga mijëra raketa ruse që goditën Ukrainën. Pavarësisht dhjetëra mijëra ukrainas të vrarë.
Në fjalët e tij, Kissinger tha për konfliktin se: “Negociatat duhet të fillojnë në dy muajt e ardhshëm përpara se të krijojë trazira dhe tensione që nuk do të kapërcehen lehtë. Idealisht, vija ndarëse duhet të jetë një kthim në status quo ante,” me sa duket duke sugjeruar që Ukraina të pranojë të heqë dorë nga pjesa më e madhe e Donbasit dhe Krimesë.
“Ndjekja e luftës përtej asaj pike nuk do të kishte të bënte me lirinë e Ukrainës, por një luftë të re kundër vetë Rusisë”, tha Kissinger.
Zelensky i krahasoi pikëpamjet e Kisingerit me qetësimin e Gjermanisë naziste në vitin 1938.
“Duket se kalendari i zotit Kissinger nuk është 2022, por 1938, dhe ai mendoi se po fliste me një audiencë jo në Davos, por në atë që ishte Mynihu i atëhershëm. Meqë ra fjala, në vitin e vërtetë 1938, kur familja e zotit Kissinger po arratisej nga Gjermania naziste, ai ishte 15 vjeç”, tha Zelensky.
Zelensky i quajti ata që këshillojnë që Ukraina t’i japë diçka Rusisë, “gjeopolitikanët e mëdhenj”, jo gjithmonë duan të shohin njerëzit e zakonshëm. Ukrainas të zakonshëm. Miliona nga ata që jetojnë në të vërtetë në territorin që ata propozojnë të shkëmbejnë me iluzionin të paqes. Gjithmonë duhet të shohësh njerëzit.”
Zelensky i reagon ashpër Kissingerit, çfarë deklaroi ish-Sekretari amerikan i Shtetit që e nervozoi Ukrainën
