Serbia dhe Bullgaria janë tradicionalisht të afërt me Rusinë, megjithatë kjo po ndryshon pas sulmit të Rusisë në Ukrainë. Dhe një shkëputje nga Rusia, jodomosdoshmërisht sjell një shkatërrim, shkruan media gjermane “Süddeutsche Zeitung”.
Kjo vërehet edhe nga përkrahja e madhe që i jep së fundi Bullgaria Ukrainës, kurse Serbia në votimet e fundit në OKB ka votuar kundër invasionit rus – duke e dënuar atë.
Megjithatë, një mik i vërtetë i Rusisë në Ballkan mbetet Milorad Dodik. Për këtë, media gjermane tregon se Përfaqësuesi i Lartë për Bosnjën dhe Hercegovinën në Komunitetin Ndërkombëtar, Christian Schmidt, nuk lejohet të flasë në OKB me kërkesë të Rusisë. Kjo përkundër faktit që Bosnja po kalon në një situatë shqetësuese, veçanërisht si pasojë e tendencave destabilizuese të udhëheqësisë serbe me kahje nga Moskva.
Poashtu, Rusia rrezikon të zgjasë mandatin për trupat ndërkombëtare të Eufor-Althea. Russia prej kohësh dëshiron ti largojë trupat ndërkombëtare nga Bosnja, ashtu si edhe zyrën e Përfaqësuesit të Lartë – të paraparë me Marrëveshjen e Dejtonit 1995, që i tha fund luftës së përgjakshme në vendin ballkanik.
