Një person është gjetur pa shenja jete të martën rreth orës 12:50 në lagjen “Jesa”, në Zubin Potok.
Sipas raportit 24 orësh të Policisë së Kosovës, vdekjen e viktimës e ka konstatuar mjeku kujdestar nga shtëpia e shëndetit në Zubin Potok.
Siç thuhet në raport, me vendim të prokurorit kujdestar, trupi i pajetë i viktimës dërgohet në IML për obduksion.
“Është gjetur pa shenja jete viktima mashkull kosovar. Vdekjen e tij e ka konstatuar mjeku kujdestar nga shtëpia e shëndetit në Zubin Potok. Me vendim të prokurorit kujdestar, trupi i pajetë i viktimës dërgohet në IML për obduksion”, thuhet në raport. /Telegrafi/
