NGA “KRONIKË NËPËR STUHI II”
“Lulëkuqet e Majit”
“Dhe nji djalë prej Komarani,
Trim mbi trima Ymer Alushani!
Trim si zana e me trup luani!”
Më 9 maj të vitit 1998, pothuajse menjëherë pas aksionit të rufeshëm të forave të Ushtrisë Çlirimtare të Kosovës më 26 prill në fshatin Gjergjaj të Drenicës, elita e luftëtarëve të lirisë bllokoi Grykën e Llapushnikut ose “Termoçpilet e Kosovës” ku shkëlqeu Ymer Alushani-Vogëlushi, ndërsa në altarin e lirisë përjetësohet luftëtari Besim Daut Halilaj, i lindur më 25 prill të vitit 1967 në Grykas (ish-Tërdevc) të Drenicës. Por në Shqipëri, rrugës kah Qafë-Mali për të dalë në Fush-Arrëz, në një pritë përjetësohen: Ilir Halit Konushevci, i lindur më 20 qershor të vitit 1969 në fshatin Llugë të Llapit dhe Dr. Hazir Avdyl Mala, i lindur më 27 shtator të vitit 1941 në fshatin Tpi të Bajram Currit. Por, në këtë ditë të vitit 1999, në një pritë të kurthuar në SHavaret e Gramaçelit, përjetësohen Muslijajt e SHaptejit; bijtë e Ukës: Azemi, Bajrami e Shemsiu e së bashku me Muslijajt përjetësohet edhe RIfat Ibër Beqiraj, i lindur ë në Shaptej.
Gjatë luftimeve në Frontin e Koshares përjetësohen luftëtarët: Sbush Limon Loku, i lindur më 21 korrik të vitit 1978 në Lumbardh të Kaçanikut dhe Ali Ivaja, i lindur më 25 shtator të vitit 1966 në fshatin Cërnillë të Ferizajt. Gjatë luftimeve në Betejën e Çabratit, në Gjakovë, në altarin e lirisë përjetësohet luftëtari Dashmir Asllan Krasniqi i lindur më 20 maj të vitit 1982 në Gjakovë, e në luftimet e Grejçecit të Therandës, përjetësohet luftëtari Naim Qerim Lubovci.
Luftime të përgjakshme zhvillohen edhe në Zonën Operative të Llapite në krye të Njësitit Special për Intervenime të Shpejta, përjetësohet liuftëtari i lirisë Fatmir Hajdar Hyseni i lindur më 10 prill të vitit 1976 në fshatin Sllatinë të Besianës, ndërsa në Zonën Operative të Drencisë, forcat banditeske serboçetnike shfryhen mbi popullatën e pafajshme civile në fshatrat: Fortesë, Dashec, Baks dhe Kodër të Drenasit.
9 m a j
Më 9 maj të vitit 1955, në Deçan u lind luftëtari i lirisë Isa Lush Kuqi, i përjetësuar në altarin e lirisë më 28 maj të vitit 1998 në Deçan. Në fshatin Cerajë të Mitrovicës u lind luftëtari i lirisë Bislim Ademi i përjetësuar në 18 maj të vitit 1999 e në Grabovc të Kastriotit, më 1964 u lind luftëtari i lirisë Faik Tefik Mjeku, i përjetësuar në altarin e lirisë më 1 gusht të vitit 1998 e gjithashtu më 9 maj të vitit 1975, në Korroticë të Epërme, u lind luftëtari Besim Rexhep Muleta, i përjetësuar më 25 shtator të vitit 1998 e po atë vit në fshatin Strellc i Epërm të Deçanit, luftëtari Abedin Ukë Sumaj, i përjetësuar në pikën “Avdimetaj” të Strellcit më 23 gusht të vitit 1998, e më 1978, në fshatin Apterushë të Rahovecit, u lind Besim A. Kabashi i vrarë në burgun e Dubravës më 26 maj të vitit 1999 e po atë vit në fshatin Shajne të Opojës, u lind luftëtari i lirisë Fisnik Alajdin Ibrahimi i përjetësuar në Frontin e Koshares më 9 prill të vitit 1999.
DO TË MBETËN NË HISTORI PËR JETË E MOT!
URIME DITËLINDJET!
LAVDI DËSHMORËVE!
