NGA “KRONIKË NËPËR STUHI II”
“Lulëkuqet e Majit”
DITËLINDJA E FEHMI LLADROVCIT
Në dtën e sotme, 5 maj të vitit 1954, në fshatin Vitak të Skënderajt, u lind luftëtari Jusuf Isa Mulaj, i përjetësuar më 26 mars të vitit 1999 në Vitak, e dy vjet më vonë, pra më 1956, në fshatin Shkabaj (ish-Gllanasellë) të Drenasit, u lind Komandant Fehmi Muhamet Lladrovci, Komandant i Brigadës 114 të Zonës Operative të Drenicës, i përjetësuar më 22 shtator të vitit 1998 gjatë luftimeve në Shkabaj e në fshatin Fortesë u lind luftëtari Ramadan RIza Gllareva i përjetësuar më 30 prill të vitit 1999, e në Carralevë më 1962 u lind luftëtari Rrahman Jetullah Tafa, i përjetësuar në Frontin e Koshares, e një vit më vonë, pra më 5 maj të vitit 1963, në fshatin Xërxë të Rahovecit, u lind luftëtari Hamëz Ali Thaçi, i prjetësuar në Frontin e Koshares më 20 prill të vitit 1999. Më 1965, në Lumbardh (ish-Kotlinë ) të Kaçanikut u lind luftëtari Milaim Loku, i përjetësuar më 8 mars të vitit 1999 në vijën frontale Lumbardh-Strazhë e Gajre e pesë vjet më vonë në Carralevë u lind luffëtari Milaim Mehdi Beha i njohur si “Slloveni” e i përjetësuar më 2 qershor të vitit 1999 në një pritë të kurthuar në vreshtat e Senikut të Malishevës, e në Sferkë të Klinës, u lind luftëtari Metë Artan Morina, i përjetësuar më 11 prill të vitit 2000. Po në këtë ditë, pra 5 maj, të vitit 1972 në fshatin Lugishtë të Hasit, u lind luftëtari Besim Man Parallanga, i përjetësuar më 12 prill të vitit 1999, e katër vjet më vonë në fshatin Izbic të SKënderajt u lind luftëtari Xhevdet Kadri Dobra, i përjetësuar më 10 maj të vitit 1999 në Izbicë. Në fshatin Reçan të Therandës, më 5 maj të vitit 1977 u lind luftëtari Selim Salih Veselaj, i përjetësuar më 26 prill të vitit 1999 gjatë luftimeve të Bukoshit dhe më 5 maj të vitit 1980, në fshatinj Leqinë të Skënderajt u lind luftëtari Rifat Sokol Çelaj, i përjetësduar në Frontin e Koshares më 9 prill të vitit 1999 dhe të gjithë sot do t’i festonin ditëlindjet, prandaj Atyre, URIME dhe qoftë mëshira e Zotit mbi shpirtërat e Atyre që derdhën gjakun për Kosovë!
“Lulëkuqet e Majit” “Kush po zdirgjet kah Pirana?! – Pal Paluca, trim si zana 17.2.1974 – 5.5.1999
NGA “KRONIKË NËPËR STUHI II”
“Lulëkuqet e Majit”
KUSH PO ZDIRGJET KAH PIRANA?!
“Kush po zdirgjet kah Pirana?!
– Pal Paluca, trim si zana.
Hiq nuk nijke për kapetana,
Thon’ me k’mishë e ka bo nana!”
(Rapsodi, Vëllezërit Duhani)
Më 5 maj të vitit 1999, Zona Operative e Drenicës ka luftime në Qëndresë të Drenasit. Në këto ballafaqime direkte me forcat serboçetnike përjetësohet luftëtari Enver Salih Kukaj, i lindur më 1 janar të vitit 1955 në Qëndresë të Drenasit. Luftime të këtilla zhvillohen edhe në arealen luftarake të Jezercit të Ferizajt dhe në altarin e lirisë përjetësohen luftëtarët: Imri Habib Haliti, i lindur më 28 gusht të vitit 1976 në fshatin Sojevë dhe Ramadan Rexhep Rexhepi i lindur 21 janar të vitit 1972 gjithashtu në Sojevë, por duke zbritur në drejtim të fshatit Piranë, jo larg Urës së Piranës në një pritë të kurthuar serboçetnike përjetësohet luftëtari Pal Mark Paluca, i lindur më 17 shkurt të vitit 1975 në Mirditë të Anadrinit (ish-Trepeticë). Zjarri më i madh më 5 maj shpërtheu në Frontin e Koshares ku përjetësohen; Françesko Xhuzepe Bider, i lindur më 10 janar të vitit 1961 në Biella të Italisë, pjesëtar i Brigadës 138 “Agim Ramadani”, Murad Muhamed Ali, i lindur më 1 mars të vitit 1969 në Alegjeri, Shabi Kojolli, i lindur më 20 prill të 1961 në Skyfteraj të Vitisë, Abedin Hysen Murtezi, i lindur në Mollapolc të Shtimes më 16 nëntor të vitit 1975, Behxhet Ajet Shabani, i lindur më 25 maj të vitit 1965 në fshatin Baks të Skënderajt, Florim Baki Maliqi, i lindur më 6 dhjetor të vitit 1977 në fshatin Sadavinë të Ferizajt, Jonuz Qazim Zejnullahu, i lindur më 12 maj të vitit 1975 në Skyfteraj të Vitisë dhe Ramush Ilaz Shatrolli, i lindur më 12 maj të vitit 1963 në fshatin Pleshinë të Ferizajt.
LAVDI DËSHMORËVE TË 5 MAJIT!
LAVDI TË GJITHË DËSHMORËVE!
URIME DITA E DËSHMORËVE!
ATA KURRË MOS U HARROFSHIN!
