Njohësi i rrethanave politike, Petrit Zogaj, ka thënë se kryeministrit Albin Kurti e presidentja Vjosa Osmani janë në garë me veten e tyre sesi skandalet aktuale t’i mbulojnë me disa të reja.
Zogaj tha se u harruan të gjitha skandale që nga ai i burrit të Presidentes, Prindon Sadriu që tha se mediat janë grupe kriminale, e deri te konflikti i interesit të ministrit Liburn Aliu.
Sipas Zogajt, edhe skandali i ambasadorit Martin Berishajt do të harrohet nga nje skandal tjetër i radhës.“E rendesishme me u kuptu eshte qe kjo qeveri, Kurti e Osmani jane ne gare me veten e tyre sesi skandalet aktuale me u mbulu me disa te reja. U harru Prindoni qe tha mediat jane grupe kriminale. U harru qe ministrja shkeli Kushtetuten, u harru ministrja tjeter qe shkeli nje femije, u harru motra e ministrit qe punesohet, u harru konflikti i interesit te ministrit. Te gjitha keto skandale te medhaja, vec brenda pak javesh. Tash del qe nje ambasador i tyre eshte me nje rrjet te dyshuar kriminal ne rajon. Si duket edhe ky do te harrohet shpejt nga nje skandal tjeter i radhes qe kjo shumice parlamentare po e gatuan”, shkroi Zogaj
