Komuna e Podujevës ka njoftuar se është mbajtur Shtabi Emergjent për mbrojtje, shpëtim dhe menaxhimin e krizave, shkruan Llapi.info.
Ky shtab që udhëhiqet nga kryetari Shpejtim Bulliqi, në mbledhjen e sotem kanë diskutuar për organizimin e aksionit humanitar, i cili buron nga iniciativa e ushtarëve ukrainas në Kosovë, e i cili do të zhvillohet në të gjitha komunat e Kosovës.
Bulliqi tha se qëllimi i këtij takimi ku i kemi prezentë akterët institucional lokal, e të cilët do të jenë edhe bartës të këtij procesi, është organizimi sa më i suksesshëm i këtij aksioni humanitar.
Aksioni do të zhvillohet nga data 26 deri 29 prill, ndërsa me qëllim të sensibilizimit të opinionit kryetari Bulliqi gjatë ditëve në vijim do të mbaj takime me biznese, shoqata dhe institucione të ndryshme potenciale për të kontribuar.
Njoftimi i plotë nga Komuna e Podujevës:
Mblidhet Shtabi Emergent për mbrojtje, shpëtim dhe menaxhimin e krizave
Udhëhequr nga kryetari i komunës së Podujevës, Shpejtim Bulliqi, sot është mbajtur takimi i Shtabit Emergent për mbrojtje, shpëtim dhe menaxhimin e krizave në komunën e Podujevës.
Takimi është thirrur me qëllim të diskutimit për organizimin e aksionit humanitar, i cili buron nga iniciativa e ushtarëve ukrainas në Kosovë, e i cili do të zhvillohet në të gjitha komunat e Kosovës.
Në fjalën e tij, kryetari Bulliqi tha se qëllimi i këtij takimi ku i kemi prezentë akterët institucional lokal, e të cilët do të jenë edhe bartës të këtij procesi, është organizimi sa më i suksesshëm i këtij aksioni humanitar.
“Qytetarët e vendit tonë më mirë se askush tjetër e kuptojnë situatën me të cilën po përballen popullata civile në Ukrainë si rrjedhojë e agresionit rus, andaj konsiderojnë që për ata qytetarë në këtë fazë secila ndihmë është e nevojshme” tha kryetari Bulliqi
Ai gjithashtu tha se me qëllim të zbatimit të suksesshëm të aksionit, pika të grumbullimit të gjësendeve do të ketë në të gjitha institucionet lokale; në Komunë, në Stacionin e Policisë, në QKM, në shkolla dhe në institucione tjera.
Aksioni do të zhvillohet nga data 26 deri 29 prill, ndërsa me qëllim të sensibilizimit të opinionit kryetari Bulliqi gjatë ditëve në vijim do të mbaj takime me biznese, shoqata dhe institucione të ndryshme potenciale për të kontribuar.
Podujevë, 21.04.2022
Zyra për Marrëdhënie me Publikun dhe Informim
