Pesë suIme ndaj zyrtarëve të Policisë së Kosovës kanë ndodhur në katër ditët e fundit në pjesën veriore të vendit, ku janë përdorur armë e mjete të ndryshme.
Ish-komandanti i FSK-së, gjeneral Kadri Kastrati thotë se suImet ndaj Policisë së Kosovës në veri e kanë burimin në Beograd.
Kastrati ka thënë se qëllimi i sulmit më shumë se ushtarak ishte politik.
Unë mendoj se ky është lloj revanshizmi i Beogradit, apo iu është dhënë leje serbëve në Kosovë që të përdorin më shumë armatim dhe mjete Iuftarake për arsye se serbeve të Kosovës nuk iu është dhënë leje për mbajtjen e referendumit dhe zgjedhjeve në Kosovë”, tha ai.
Gjenerali dyshon se Serbia e ka kuptuar që është në prag të një presioni të jashtëzakonshëm nga ndërkombëtarët për të arritur një marrëveshje finale për të njohur Kosovën.
Ish-komandanti i FSK-së thotë se Serbia po provokon strukturat e sigurisë së Kosovës me veprime të tilla.
“Veprimet e Serbisë janë të njohura, pasi kështu kanë filluar edhe në Bosnje, Slloveni e Kroaci me disa provokime të lehta. Këta dëshirojnë ta provokojë edhe Kosovën dhe institucionet e saj të sigurisë”, deklaroi tutje Kastrati.
Veriu i Kosovës vazhdon të mbetet një nga zonat më pak të kontrolluara të vendit. Në raporte të ndryshme ndërkombëtare, veriu i Kosovës përmendet në veçanti si një zonë gri dhe e përshkuar nga veprimtari të paligjshme
