Deputeti i LDK-së, Driton Selmanaj, iu ka drejtuar ministres së Arsimit, Arbërie Nagavci me pyetjen: “A ndjeheni si super-kriminele?”.
Këtë e tha Selmanaj në kuvend, pasi siç tha ai, Albin Kurti, në kohën kur kryeministër ishte Isa Mustafa, ka thënë ‘kush e shkel kushtetutën është super-kriminel’.
“A ndjeheni si super-kriminele ministrie? Albin Kurti ka thënë dikur se kush e shkel kushtetutën është super-kriminel në kohën kur Isa Mustafa ishte kryeministër. Ai s’ka qenë shkelës i kushtetutës fare sepse s’ka pasur vendim nga gjykata kushtetuese”.
“Jo akt moral, jo kërkim falje, madje po i kërkon prova Gjykatës Kushtuetuese pse e keni marr këtë vendim, mos mbani kësi njerëz të tillë në qeveri”, tha tutje Selmanaj, transmeton Klankosova.tv.
Ky reagim erdhi pas vendimit të Gjykatës Kushtetuese, ku thuhet se MASHT-i i ka tejkaluar kompetencat me vendimin për mësimin e përshpejtuar në Kamenicë.
