Komandanti i regjimentit ukrainas të Azov, nënkoloneli Denis Prokopenko dhe komandanti i regjimentit të 36-të, major Serhiy Voljne konfirmuan në një video të postuar në Twitter informacionin për depërtimin e një pjese të marinsave dhe bashkimin e dy grupeve në Mariupol, por edhe dorëzimin e pjesa tjetër e marinsave. Prokopenko i quajti të dezertorë shokët që u dorëzuan.
Më herët Rusia njoftoi se rreth 1000 anëtarë të Azovit ishin dorëzuar në Mariupol. Ata thonë se rreth 150 ushtarë u plagosën dhe u dërguan në spitale. Ndër ata që u dorëzuan ishin oficerë, pretendon Rusia, transmeton Demokracia.com.
Këshilltari i Zelenskit: Ata bashkuan forcat në një manovër të rrezikshme
Oleksiy Arestovich, një këshilltar i presidentit ukrainas Volodymyr Zelensky, tha këtë mëngjes se mbrojtësit e fundit të Mariupolit arritën të bashkojnë forcat me një “manovër të rrezikshme”.
“Falë manovrës së rrezikshme, njësitë e marinsave dhe Regjimentit Azov arritën të bashkojnë forcat me një përparim,” tha Arestovich.
Bëhet fjalë për dy njësi që janë përfshirë në tentativën e fundit për t’i rezistuar ofensivës ruse në Mariupol, e cila po vazhdon prej një muaji e gjysmë.
“Kjo është ajo që ndodh kur oficerët nuk humbasin kokën, por mbajnë fort komandën dhe kontrollin mbi forcat e tyre,” tha këshilltari presidencial.
“Regjimenti i Azov mori përforcime të konsiderueshme”
Ditën e djeshme, marinsat ukrainas në Mariupol publikuan një video në të cilën thonë se do të “rezistojnë deri në fund” pavarësisht se forcat ruse i kanë rrethuar plotësisht dhe kanë mbetur pa municion dhe furnizime të tjera.
Arestovich njoftoi në Facebook se regjimenti Azov “mori përforcime të konsiderueshme”, duke shtuar se “marinsat shmangën humbjen dhe patën një shans të dytë”.
Mbrojtësit e qytetit, të cilët tani janë të bashkuar, e kanë forcuar seriozisht zonën që po mbrojnë”, shtoi ai. /Demokracia.com/
Звернення командира полку «Азов» підполковника Дениса Прокопенко та командира 36 обрмп майора Сергія Волини з приводу операції по прориву 36 обрмп та з‘єднанням з полком «Азов» pic.twitter.com/AAwYBRGapL
— Azov Brigade (@azov_media) April 13, 2022
