Deputetja e Partisë Demokratike të Kosovës, Ganimete Musliu, ka kërkuar dorëheqjen e drejtorit të Policisë, Samedin Mehmeti dhe Ministrit të Punëve të Brendshme, Xhelal Sveçla.
Këtë kërkesë Musliu e ka bërë pas operacionit të sotëm të policisë “Pika 2” ku në pranga përfunduan 26 zyrtarë policorë (duke përfshirë dy rreshterë policorë dhe 24 zyrtarë policorë).
Sipas saj pas arrestimit të një numri të tillë të policëve “s’ka më kuptim” që Sveçla dhe Mehmeti të vazhdojnë të ushtrojnë detyrën e tyre.
“Pas arrestimit të numrit të madh të policve, nuk ka me kuputim qe edhe me tutje te ushtrojne detyren e tyre, Drejtori i Përgjithëshem i Policisë së Kosovës Samedin Mehmeti dhe Ministri i Punëve të Brëndshme Xhelal Sveçla. Doreheqja e tyre do ti bente ndere Policise se Kosovës, Kosovës dhe vet Mehmetit e Sveçles”, shkruan ajo.
