Muhamed Dërmaku, i cili është imam në Medresenë “Alauddin”, i ka dalë në mbrojtje drejtoreshës së shkollës në Gjakovë, në të cilën është vendosur një fotografi përmes së cilës i ndalohet vajzave bartja e shamisë.
Në postimin e tij në Facebook, Dërmaku ka thënë se nuk duhet kritikuar drejtoresha e shkollës në Gjakovë sepse ajo nuk ka bërë asnjë gabim meqë ndalesa e shamisë është udhëzim administrativ nga MASHT, shkruan lajmi.net.
Drejtoresha e shkollës në Gjakovë nuk ka bërë asnjë gabim shtesë, mos i hipni në qafë. Ajo thjesht i ka nxjerrë në foto gjërat e ndaluara brenda shkollës që i përfshinë një udhëzim administrativ nga Ministria e Arsimit, që nga koha e, e, e, e…, i modifikuar disa herë nëpër vite, por i pandryshuar nga askush në atë pjesën e gjërave të ndaluara në shkollë, madje i miratuar edhe nga Avokati i “Popullit” dhe nga Gjykata,” tha ai..
“Përnjëmend po pyes, a tash e keni kuptuar se sa keq dhe në çfarë mënyre është krahasuar mbulesa e vajzave muslimane në shkolla në Arsimin Parauniversitar në atë udhëzim a?!” përfundoi Dërmaku.
Lexoni postimin e plotë:
Me rastin e skandalit që ngjau në një shkollë të Gjakovës, më shumë më bënë përshtypje reagimet e përkrahësve të shamisë, vëllezërve të mi. Për t’u shprehur më ndryshe, tash po e shoh se shumica e njerëzve më mirë po kuptuakan nga fotot sesa nga shkrimet.
Të nderuar!
Drejtoresha e shkollës në Gjakovë nuk ka bërë asnjë gabim shtesë, mos i hipni në qafë. Ajo thjesht i ka nxjerrë në foto gjërat e ndaluara brenda shkollës që i përfshinë një udhëzim administrativ nga Ministria e Arsimit, që nga koha e, e, e, e…, i modifikuar disa herë nëpër vite, por i pandryshuar nga askush në atë pjesën e gjërave të ndaluara në shkollë, madje i miratuar edhe nga Avokati i “Popullit” dhe nga Gjykata.
Përnjëmend po pyes, a tash e keni kuptuar se sa keq dhe në çfarë mënyre është krahasuar mbulesa e vajzave muslimane në shkolla në Arsimin Parauniversitar në atë udhëzim a?!
