Pas disa muajsh bllokimi për shkak të pandemisë, Suedia ka hapur terminet dhe aplikimet për viza për kosovarët. Megjithatë pa u bërë 24 orë të plota, terminet për viza janë “avulluar”.
Indeksonline ka thirrur në telefonin zyrtar të ambasadës suedeze në Prishtinë ku thuhet se data më e afërm për vizë është pas datës 15 maj.
Më befasues është fakti se si informacioni për hapjen e termineve në ambasadë nuk ka qenë publik.
Informacioni i fundit publik nga Ambasada e Suedisë në Prishtinë është vendimi për heqjen e ndalimit të hyrjes në Suedi nga vendet jashtë BE-së. “Që nga 1 prilli ndalimi i hyrjes në Suedi nga vendet jashtë BE-së/ZEE-së do të pushojë së zbatuari.
Nga kjo datë, certifikatat e vaksinimit dhe testimit nuk do të kërkohen më gjatë hyrjes për në Suedi” thuhet në njoftimin në shqip të ambasadës së Suedisë në Prishtinë.
Shumë qytetarë kanë mbetur të zhgënjyer me mospublikimin e njoftimit zyrtar për hapjen e termineve për viza.
“Me siguri që dikush në ambasada po bashkëpunon me agjensionet që bëjnë termine me pagesë. Ka disa muaj që e pres në njoftim të tillë dhe tani e shoh se duhet të pres edhe disa javë të tjera për të zënë një termin të lirë” ka thënë A.H, një qytetare e zhgënjyer për Indeksonline.
Indeksonline është në pritje të përgjigjeve edhe nga institucionet suedeze se si është e mundur të ndodhë një gjë e tillë./Indeksonline/
