Manchester United e pret sonte Sevillën për ndeshjen e kthimin në 1/8 e finales së Ligës së Kampionëve.
Barazimi pa gola në ndeshjen e parë në Spanjë bën që United të futet si favorit në ndeshjen e kthimit në Angli, pasi deri tani këtë sezon e ka humbur vetëm një ndeshje në “Old Trafford”, transmeton Express.
Megjithatë, edhe vetë Sevilla është bërë një lloj eksperti evropian së fundmi, pasi i ka fituar tre tituj radhazi në Evropa Ligë nga sezoni 2013-14 deri në sezonin 2015-16.
Se a do të arrijë të bëjë befasi Sevilla dhe ta vazhdojë suksesin edhe në Ligë të Kampionëve, mbetet të shihet.
Formacioni i mundshëm i Manchester United: De Gea; Valencia, Bailly, Smalling, Young; Matic, McTominay; Mata, Lingard, Alexis; Lukaku.
Formacioni i mundshëm i Sevillës: Rico; Mercado, Kjaer, Lenglet, Escudero; N’Zonzi, Banega; Sarabia, Vazquez, Correa; Luis Muriel.
