Shkruan: Blerim Latifi
Ministrja e Jashtme e Gjermanisë, Annalena Baerbock, paska thanë sot në Beograd se duhet kundërshtuar njëzëri ideja e ndryshimit të kufijve me forcë. Sigurisht ky është mesazh për kokat ekstremiste në Beograd që po fërkojnë duart për një skenar eventual të Ukrainës në Kosovë e Bosnje.
Në rregull, por shtrohet pyetja: a është ne gjendje Gjermania ta ndalojë një skenar të tillë, nëse veç vjen puna deri aty? Dyshoj shumë në një përgjegje pozitive në këtë pyetje. Rroftë Amerika, se sa për Gjermaninë e Francën moti i kish dalë flaka Ballkanit perëndimor. Rroftë Amerika, e bashkë me të edhe Britania e Madhe, se pa to sot NATO do të ishte thjesht një tigër prej letre.
