Viva Fresh Store” ka njoftuar se ka ndryshuar çmimin e vajit nga 3 euro e 49 centë sa e shiste sot në 1 euro 95 centë.
Në një postim në Facebook nga kjo kompani shkruajnë se kanë vendosur që ta subvencionojnë çmimin e vajit.
“Viva Fresh Store ka vendosur që ta subvencionojë çmimin e vajit në të gjitha pikat e saja në krejt Kosovën! Nga SOT, çmimi i vajit do të jetë 1.95 cent! Po ashtu, edhe çmimi i bukës vazhdon të subvencionohet dhe mund ta gjeni për vetëm 30 cent”, shkruhet në njoftimin e tyre.
AT gjatë ditës së sotme i ka inspektuar çmimet në katër pika të ndryshme të katër rrjeteve të hipermarketeve të mërkurën. Në tri nga katër hipermarkete në Prishtinë, çmimi i një litri të vajit ushqimor shitet për 2.29 euro.
Kurse, vetë “Viva Fresh Store” ka ngritur çmimin e litrës së vajit në 3 euro e 49 centë.
