Në moshën 20-vjeçare, Valeria Shashenok sapo kishte filluar karrierën e saj si fotografe dhe videografe, duke punuar në mënyrë të pavarur duke krijuar përmbajtje sociale për disa nga bizneset më të mëdha të Ukrainës – nga restorantet tek hotelet.
Por papritur, perspektivat e saj të punës dhe mjedisi rreth saj, u kthyen në gërmadha – me fillimin e agresionit nga Rusia.
Dhe ajo kurrë nuk e kishte paramenduar se së shpejti do të krijonte përmbajtje në media sociale rreth luftës, përcjell Telegrafi.
Më 24 shkurt, kur Putini i shpalli luftë Ukrainës, Shashenok ishte në një gjendje të mosbesimit total.
“Nuk besoja se lufta mund të ndodhte në të vërtetë. Mendova se ishte një shaka”.
Kur raketat goditën, ajo dhe familja e saj përfunduan në një bunker të nëndheshëm pa dritare në zyrën e babait të saj, vetëm 10 minuta larg shtëpisë së tyre në qytetin verior të Chernihiv.
@valerisssh #ad Unbelievable ???????????????? ukraine stopwar
Ndërsa ajo nuk e kishte menduar se do të ishte atje kaq gjatë, ajo ka qenë streha e saj për ditë të tëra dhe një vend ku ajo gjen frymëzim për të dokumentuar gjendjen – për ta parë pjesa tjetër e botës.
Kështu, Shashenok ka ndarë video në TikTok nga bunkeri, një hapësirë e vogël që ajo ndan me babanë, nënën, qenin e tyre dhe një familje tjetër që ata ftuan kur shtëpia e tyre u shkatërrua.
Kur ndihet e sigurt, ndonjëherë del nga bunkeri për të regjistruar shkatërrimin në lagje dhe për të marrë rrobat nga shtëpia e saj, e cila thotë se nuk është bombarduar ende si ato të miqve të saj.
Më pas, ajo do të shkojë me vrap nëpër rrënoja për t’u kthyer me nxitim në bunker.
“Afër shtëpisë sime, ndërtesat janë të gjitha të shkatërruara. Një nga arsyet pse dal jashtë (edhe nëse është e pasigurt) ishte sepse doja t’u tregoja njerëzve për gjendjen aty”, shtoi ajo, përcjell Telegrafi.
Videot e saj, të cilat në dy javë kanë grumbulluar miliona shikime dhe qindra mijëra ndjekës, tentojnë të përdorin humorin për ta nxjerrë atë nga një situatë e errët.
Dhe ndërsa ajo ka grumbulluar një numër të madh ndjekësish duke përdorur një gjuhë të re mediumi dhe interneti për të komunikuar, Shashenok mbetet e frikësuar për të dhe të ardhmen e vendit.
“Dje shkova në supermarket për të gjetur ujë, por nuk mund të gjeja”, tha ajo, duke shtuar se do t’i duhet të kontrollojë së shpejti kur të jetë e sigurt për të shkuar atje.
Shashenok thotë se familja është mbështetur kryesisht te vezët dhe qumështi për mbijetesë, por shpesh zbulon se të dyja shiten gjithashtu në supermarket.
Welcome to my 5 stars hotel ??
Vetëm pak ditë më parë, qyteti i saj Chernihiv, në veri të Kievit, ishte objektiv i sulmeve që çuan në zjarre dhe boshatisjen e një qyteti prej 300,000 banorësh.
Duke e ditur se kjo nuk duket se do të përfundojë së shpejti, Shashenok shpreson të mbledhë para për të udhëtuar diku tjetër.
Me qytetin e saj të kthyer në rrënoja, ajo shpreson që njerëzit do të jenë në gjendje t’i dhurojnë asaj dhe familjes së saj – për të krijuar një fond në mënyrë që ajo të vazhdojë të jetë krijuese kur të përfundojë lufta.
Ndërsa disa mund të pyesin se si Shashenok mund të gjejë forcën për humor në situatën e saj, ajo thotë se e mban vullneti i saj i fortë. Ajo nuk dëshiron vetëm të dëgjojë për keqardhjen dhe trishtimin.
“Po, është e pabesueshme ajo që ndodhi në vendin tim. Por (humori) është mënyra për të treguar se jemi të fortë. Se ka një fund. Se Ukraina do të mbijetojë”, tha ajo.
“Ne jemi një vend shumë i fortë, ne mbrojmë vendin tonë nga një nga vendet më të mëdha në botë”. /Telegrafi/
