Ramë Buja, është përlotur teksa ka kujtuar bashkëluftëtarët të cilët aktualisht gjenden në paraburgim në Hagë
Ai është emocionuar kur ka folur për 14-vjetorin e Pavarësisë së Kosovës, ndërsa e ka cilësuar “të rëndë” injorimin e institucioneve ndaj atyre që luftuan për vendin.
Zbehtë, dobët dhe e rëndë për ata të cilët kanë qenë luftëtarë, për ata që kanë qenë bashkë-shpallës të pavarësisë, injorimi i këtyre përmasave që ndodhi ishte i rëndë dhe këtë rëndësi e këtë peshë e kam përjetuar edhe unë”, tha Buja.
Buja ka thënë se në ditën e 14-vjetorit të Pavarësisë, nuk ka dalë askund sepse nuk ka pasur asnjë gëzim.
“Unë nuk kam dalë askund, nuk kam pasur asnjë gëzim dhe s’kam pasur mundësi as ta vendos flamurin e Kosovës në një pozitë ku zakonisht i kam vendosur flamujt për festa të caktuara”, shtoi Buja në T7.
Në anën tjetër, Buja ka folur edhe për skeçin e aktorit Vedat Bajrami, i cili ka luajtur rolin e Jakup Krasniqit, e i cili aktualisht ndodhet në Hagë.
Buja ka thënë se nuk beson që aktori në fjalë ka pasur qëllimin e keq, por ka nxitur reagime të shumta pasi që “i doli keq”.
