Punëtorët në Belgjikë së shpejti do të jenë në gjendje të zgjedhin një javë katërditore, sipas një serie reformash të tregut të punës, të shpallura të martën.
Paketa e reformës, e rënë dakord nga qeveria e koalicionit shumëpartiak të vendit, do t’u japë gjithashtu punëtorëve të drejtën të fikin pajisjet e punës dhe të injorojnë mesazhet në lidhje me punën pas orarit, pa frikë nga hakmarrja.
“Ne kemi përjetuar dy vite të vështira. Me këtë marrëveshje, vendosëm një fener për një ekonomi që është më inovative, e qëndrueshme dhe digjitale. Qëllimi është të jemi në gjendje t’i bëjmë njerëzit dhe bizneset më të fortë”, tha kryeministri belg, Alexander de Croo, në një konferencë për shtyp, ku shpalli paketën e reformës, shkruan Euronews, përcjell Klankosova.tv
Punëtorët në ekonominë e koncerneve do të marrin gjithashtu mbrojtje më të forta ligjore sipas rregullave të reja, ndërsa punonjësit me kohë të plotë do të jenë në gjendje të punojnë me orare fleksibile sipas kërkesës.
Megjithatë, vënia në ligj e reformave mund të zgjasë me muaj, pasi projektligji duhet të kalojë lexime të shumta nga ligjvënësit federalë përpara se të miratohet.
