Tanimë të gjithë janë në dijeni për situatën e vështirë që po ndodh mes Rusisë dhe Ukrainës.
Konfliktet mes dy shteteve janë kryelajmi i mediave për momentin.
Të gjithë po interesohen që të ndihmojnë në këtë problematikë e së fundmi interesim ka shprehur edhe këngëtari i mirënjohur, Labinot Tahiri – Labi.
Tahiri përmes një postimi në faqen zyrtare në “Facebook”, ka njoftuar se të hënën (14 shkurt ) fondacioni i tij “Labinot Tahiri” do të dërgojë 2000 euro në ndihmë të popullit ukrainas në rast lufte.
Postimi i tij i plotë (pa ndërhyrje):
Largë-dëgjueshmëria e zërit të popullit tim, para dy dekadash, për Liri dhe Pavarësi, ndezi dritën e gjelbër të kombeve të ndryshme nëpër botë, që t’a ndihmojnë Kosovën dhe shqiptarët në luftën e tyre për çlirimin e vendit tonë nga regjimi serbo-sllav.
Sot, shteti i Ukrainës, nuk e njeh Pavarësinë e Kosovës, përshkak të politikave për mbrojtjen e saj në raport me Rusinë, por ne nuk e urrejmë Ukrainën që nuk na njeh, sepse ne jemi popull human dhe në raste të tilla padyshim se hapim dyert e zemrat për t’i ndihmuar kujtdo që ka nevojë për ne!
Dhe Fondacioni ynë, ditën e hënë të 14 shkurtit, ne ditën e dashurisë, do t’i transferojë 2.000€ në Fondin Humanitar për mbrojtjen e popullit ukrainas në raste lufte.
Ne jemi Ju, kjo jeni Ju, të dashur shqiptar të vendit tim. Paratë tuaja shkojnë kur dhe ku duhet, çdoherë e përherë, gjithnjë e gjithmonë.
Qytetarët e Republikës së Kosovës, lusin Zotin t’iu ndihmoj në tejkalimin e përjetimeve psikike e shpirtërore në gjendjen aktuale që jeni, dhe shpresojnë se fuqitë e mëdha perëndimore e ndërkombëtare, do të jenë përkrah popullit e shtetit të Ukrainës, bashkarisht me aleatin tonë të përgjithjetshëm, Shtetet e Bashkuara të Amerikës!
Sinqerisht,
Labinot Tahiri, Kosovë e Shqipërisë”, ka shkruar Labi në “Facebook”
