Facebook dhe Instagram mund të ndalohen në të gjithë Evropën, ka thënë kompania “Meta”.
Çështja lidhet me rregulloret evropiane të të dhënave që pengojnë kompaninë Meta, kompaninë e njohur më parë si Facebook, të transferojë, ruajë dhe përpunojë të dhënat e evropianëve në serverët me bazë në SHBA, përcjellë Gazeta Online Reporteri.net.
Në raportin e tij vjetor drejtuar Komisionit të Letrave me Vlerë dhe Shkëmbimeve të SHBA-së, “Meta” paralajmëroi të enjten e kaluar se nëse nuk miratohet një kuadër i ri dhe kompania nuk mund të përdorë më modelin aktual të marrëveshjeve, me siguri do të duhet të largohet nga kontinenti.
Meta tha se përpunimi i të dhënave të përdoruesve midis vendeve është thelbësor për shënjestrimin e biznesit dhe reklamave.
“Nëse nuk jemi në gjendje të transferojmë të dhëna midis vendeve dhe rajoneve në të cilat operojmë, ose nëse jemi të kufizuar nga shkëmbimi i të dhënave midis produkteve dhe shërbimeve tona, kjo mund të ndikojë në aftësinë tonë për të ofruar shërbimet tona, mënyrën në të cilën ne ofrojmë ato ose aftësia jonë për të synuar reklamat”, thuhet në deklaratë./Reporteri.net/
