Presidentja e Kosovës, Vjosa Osmani ka bllokuar disa qytetarë në rrjetin social “Twitter”.
Osmani duket sikur nuk është duke i pranuar kritikat nga qytetarët dhe si kundër përgjigje ndaj tyre ajo ka zgjedhur që t’i bllokojë në rrjetin social “Twitter”, shkruan Demokracia.com.
“Unë Vjosën nuk e kam ofenduar asnjëherë. Pse duhet presidentja me i blloku qytetar;t e saj? Tag dikush këshilltarët e saj”, ka shkruar njëri nga qytetarët e bllokuar.
Ndërsa një tjetër ka bërë “tag” këshilltarët e Presidentes.
“Kjo mundet me kon çështje legale. @vjosaosmaniprks @miftaridonjeta @artanmurati”, thuhet në postimin e tij. /Demokracia.com/
Theksojmë se ish-presidenti i SHBA-ve, Donald Trump nuk do të mund të bllokonte asnjë njëri në “Twitter”.
Një gjykatë në Nju Jork doli në përfundimin se, profili i tij në rrjetin social nuk është personal, por adresa e një presidenti, ndaj bllokimi i individëve do të përbënte shkelje të “Amendamentit të Parë” dhe të drejtës së tyre për të marrë pjesë në një diskutim publik.
Shtatë paditësit që ankoheshin se kreu i shtetit nuk i lejonte të ishin aktivë në faqen e tij u përfaqësuan nga “Knight First Amendment Institute” i Universitetit të Columbias.
Gjykata e mori parasysh shqetësimin e tyre. Në vendimin e saj sqarohet se, Trumpi e përdor këtë profil për komente e veprime që mund të ndërmerren vetëm nga pozitat e presidentit.
Kujtojmë se edhe ministrja e Punëve të Jashtme dhe Diasporës, Donika Gërvalla ka bllokuar disa qytetarë në rrjetet e saj sociale./Demokracia.com/