Të paktën 16 persona kanë humbur jetën në Meksikë, në shtetin qendror të Zakatekës, si pasojë e një përplasjeje të dhunshme mes grupeve kriminale.
Autoritetet deklaruan se 10 trupa u gjetën në rrugë të mbështjellë me batanije në lokalitetin Fresnijo, ndërsa 6 të tjerë të varur jashtë një magazine në komunën Panfijo Natera.
Episodi vjen në një kohë kur qeveria e vendit latin po përpiqet të frenojë spiralen e dhunës që ka kapluar vendin, e cila i atribuohet karteleve të drogës.
Disa ditë më parë, autoritetet policore arrestuan dy persona që po transportonin me makinë një trup të vdekur.
Ndërsa muajin e kaluar, në kryeqytetin e shtetit Zakatekas, 10 persona të masakruar u gjendën të braktisur brenda një kamioni, të parkuar jo shumë larg zyrave të qeverisë.
Vrasjet në Meksikë u rritën ndjeshëm vitin e kaluar me shtetin Zakatekas që regjistroi plot 1 mijë e 50 vrasje, 200 më shumë se viti paraardhës.
