Eleminimi i ekstremistit grek nga forcat RENEA ditën e djeshme nxori në skenë edhe njëherë patriotizmin si nga ana greke ashtu edhe nga shqiptarët.
Me gjasë nuk ke mbetur figurë pa komentuar vrasjen e Kostandinos Kacifas, i cili sipas njoftimit zyrtar të Policisë së Shtetit kishte hapur zjarr ndaj forcave blu, të cilët më pas nuk kishin zgjidhje tjetër veçse vrasjen e 35-vjeçarit.
Kjo ngjarje ka shërbyer si “ushqim” për krahun ekstremist në Greqi, të cilët kanë filluar protestat dhe thirrjet fashiste kundrejt shqiptarëve.
Por, historiania dhe profesoresha e Shkencave Politike, Elena Kocaqi ka reaguar ashpër rreth asaj që ajo e quan “helenizmi fallco”.
Elena Kocaqi është shprehur:
Forcat Renea bene detyrën, pasi ne çdo vend te botes te qëllosh me arme policinë dhe te mos pranosh te dorëzohesh, ekzekutohesh. Greqise i duhet thëne me force e vërteta se, helenizmi fallco është një nga shkaqet e gjakut e dhunës ne Ballkan. Nëse Greqia do shpjegime ajo te shpjegoj e para se, pse nje ushtar Grek ka qelluar policinë Shqiptare? Shteti Grek te distancohet publikisht nga nje akt i tille terrori dhe te kerkoj falje. Qe sot e tutje shteti Grek, duhet te perballet me reciprocitet se ka dy shekuj qe ka shkelur dhunshem te drejtat e heleneve te vertet qe jane Arvanitet, apo Shqiptaret ne emer te nje helenizmi modern krejte fallco. Shteti Grek te marr masa ndaj Agimin te Arte, si organizate ekstremiste qe duhet ndaluar me ligj.”