Një aksident tragjik është shënuar mëngjesin e sotëm në aksin Shkodër-Velipojë.
Një automjet tip “Range Rover” ka dalë nga rruga e për pasojë ka humbur jetën një person.
Automjeti ka përfunduar në një kanal në anë të rrugës.
Paraprakisht dyshohet se shkak i aksidentit është bërë shpejtësia tej normave të lejuara me të cilën po lëvizte automjeti, ku për pasojë shoferi nuk ka parë kthesën e fortë duke humbur kontrollin e makinës e duke rënë në kanal. Ende nuk është bërë i ditur identiteti i viktimës.
