Inceneratorët, afera më e akuzuar, në 30 vite demokraci, duket se i ka shtrirë “tentakulat” edhe në media. Dokumente dhe të dhëna ekskluzive, tregojnë sesi televizione, gazetarë, e portale janë “blerë”, nga Klodian Zoto, Mirel Mërtiri dhe Stela Gugallja. Pra, njerëzit e skemës së inceneratorëve në Elbasan, Fier dhe Tiranë.
Të dhënat zyrtare tregojnë pagesa, të cilat janë të ndryshme në varësi të “pazareve”, apo shërbimeve që kanë bërë mediat. Këto shpesh të justifikuara si “reklamë”.Janë paguar duke u justifikuar për reklama në fakt ka media e portale periferike që janë paguar dhjetëra apo qindra milionë kur në fakt shumë prej tyre nuk kanë as audiencë e as lexime. Thjesht dhe vetëm kanë shërbyer si mjet propagande pro inceneratorëve apo sulmi ndaj atyre që denonconin këtë aferë korruptive.Ashtu sikurse kemi paralajmëruar, do të publikohen emra mediash,
telvizionesh, portalesh dhe individësh, të gjithë ata që janë përfshirë dhe kanë marrë qoftë edhe një qindarkë nga kompanitë e inceneratorëve.Një ndër këta persona, i cili ka përfituar nga inceneratorët, është Baton Haxhiu, i cili rezulton të jetë paguar nga kompanitë e inceneratorëve të Klodian Zotos, Mirel Mërtirit dhe Stela Gugallës. Pagesa të justifikuara si reklama kur në fakt jepen si haraç për shërbëtorët e propagandës, kjo sepse potalin e Batonit nuk e lexon as vetë Batoni.Bëhet fjalë për pagesa të kryera nga kompanitë e inceneratorëve, për “Albanian Post”, që administrohet nga Baton Haxhiu, i cili është edhe ortak i vetëm me 100% të kapitalit.. Ndërkohë, ditë pas dite do të vazhdojë të publikojë të gjithë klientelën mediatike, që kanë përfituar apo kanë marrë pagesa nga pronarët e inceneratorëve. Detaje dhe fakte që përbëjnë një këmbanë alarmi për institucionet e drejtësisë./CNA.al
