Një 54 vjecar është sulmuar nga qentë endacak te ‘Parku i Qytetit’ në Prishtinë, shkruan Gazeta Metro.
Në fotot e dërguara në Redaksinë e Metros, shihet viktima duke marrë trajtim mjekësor pas lëndimeve që kishte marrë nga qentë endacak.
Ai tha se ishte sulmuar rreth orës 9 të mëngjesit te ‘Parku i Qytetit’.
Qentë endacak vazhdojnë të jenë problem jetik për qytetarët e Prishtinës. Shpeshherë publikohen video e fotografi të sulmeve nga këta qenë.
Nga Komuna e Prishtinës është kërkuar vazhdimisht zgjidhje për ta, ndërsa deri tani nuk ka pasur ndonjë plan konkret se si do veprohet.
