Vetëm gjashtë nga 185 kandidatët e kualifikuar për prokurorë nga Këshilli Prokurorial i Kosovës (KPK) kanë kaluar testin me shkrim.
Kështu ka njoftuar Komisioni për Rekrutim i KPK-së. Në këtë njoftim bëhet e ditur se kandidatët të cilët nuk e kaluar këtë test, mund të ankohen brenda tri ditësh.
Nëse këtij numri nuk i shtohet asnjë kandidatë tjetër, KPK nuk do të arrijë të rekrutojë 19 prokurorë për 6 prokurori themelore, ashtu siç u planifikua kur u rishpall konkursi më 27 prill të këtij viti.
