Kryetari i Komunës së Deçanit, Bashkim Ramosaj, ka shkruar për ngjarjen tragjike që ka ndodhur sot në fshatin Lloqan të kësaj komune, ku është gjetur i vdekur një person brenda shtëpisë së djegur.
Ramosaj ka thënë se i rëndë ishte lajmi për vdekjen e të riut nga Deçani, teksa i ka shprehur ngushëllime familjes së të ndjerit.
“I rëndë dhe pikëllues lajmi për ndarjen tragjike nga jeta të të riut Mentor (Canë) Himaj, nga fshati Lloqan, komuna e Deçanit. Ngushëllime familjes Himaj, miqve dhe të gjithë qytetarëve të Deçanit!”, ka shkruar ai në një postim në Facebook.
Theksojmë se sot rreth orës 06:35 Policia është njoftuar se në fshatin Lloqan – Deçan një shtëpi është duke u djegur. Me të marrë informatën policia dhe zjarrfikësit kanë dalë në vendngjarje dhe gjatë intervenimit nga zjarrfikësit është vërejtur se një person është brenda i djegur (karbonizuar)
