Deputeti i PDK-së, Xhavit Haliti, sot ka folur për debatin mes kreut të AAK-së, Ramush Haradinaj dhe kryeministrit Albin Kurti, të cilët diskutuan për 200 hektarë tokë që Haradinaj kishte blerë nga shteti.
Haliti ka deklaruar se edhe po t’i falte shteti 500 hektarë tokë Haradinajt, nuk bëhet asgjë.
Ai ka thënë se Haradinaj i ka meritat e tij për luftën në Kosovë, duke thënë se askush nuk e ka paguar me rrogë për të luftuar.
“Duhet të përballemi me problemet thelbësore të Kosovës, jo me një problemin e një are. Një arë e paska marrë, hajde ja paskemi falë. Jo 200 po 500 hektarë me ia falë Ramushit nuk bëhet kurrgjë. Nëse e krahasojmë kontributin, po them kështu, po flasim me merita. Atë se ka paguar askush me rrogë për të luftuar për Kosovën, i ka pasë ato merita të veta. Nuk besoj që duhet me falë nëse e ka shkelë ligjin nëse nuk e ka shkelë ligjin, s’kemi çka debatojmë për këtë”, tha Haliti në T7.
Kujtojmë se gjatë seancës së sotme parlamentare, kryeministri Kurti i ka thënë Haradinajt se nëse ai i kthen 200 hektarë tokë shtetit, atëherë edhe shteti do t’ia kthente 70 mijë euro
