Një zbulim i rrallë shkencor është bërë në një minierë qymyri në Poloninë qendrore, ku janë gjetur mbetjet fosile të një krokodili që besohet të jetë rreth 17 milionë vjeç.
Fosili përfshin pjesë të kafkës, dhëmbëve dhe skeletit, dhe sipas analizave të para, ai mund t’i përkasë një krokodili nga familja e gavialëve ose një të afërmi të saj të afërt nga epoka e Miocenit, raportojnë mediat polake.
Zbulimi u bë nga një ekip shkencëtarësh polakë dhe çekë gjatë një kërkimi në minierën Belchatow. Marcin Gorka nga Fakulteti i Gjeologjisë në Universitetin e Varshavës, i cili ishte pjesë e ekspeditës, tha se ekipi ishte në kërkim të mbetjeve të vertebrorëve, por nuk priste të gjente një gjetje të tillë.
“Fillimisht dukej si një copë kocke e zakonshme. Vetëm kur e disektuam dhe pamë anën tjetër, shumë karakteristike, nuk kishte dyshim se ishin mbetjet e lëkurës së krokodilit”, u shpreh Gorka për mediat lokale.
Ky zbulim pritet të ndihmojë në kuptimin e evolucionit dhe shpërndarjes së krokodilëve në Evropë gjatë periudhës së Miocenit./GAZETA PAPIRUS/
