Policia ka dhënë detaje për gruan që u gjet pa shenja jete në një objekt në ndërtim e sipër në Qendrën Klinike Universitare të Kosovës.
Zëdhënës i Policisë së Kosovës për rajonin e Prishtinës, Agron Borovci, ka deklaruar për Klankosova.tv se e morën informacionin në orën 20:00, dhe shtoi se viktima është rreth moshës 40-vjeçare.
“Rreth orës 20:00, është pranuar informata për një trup të pa jetë, në një objekt në ndërtim e sipër brenda oborrit të QKUK-së, në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar se, trupi i viktimës, femër, rreth 40 vjeç është pa shenja jete”.
“Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po analizon të gjitha rrethanat e kësaj ngjarje”, u shpreh Borovci.
