Prokuroria Speciale ka vendosur ta shënjestrojë rastin e koduar si “Mati 1” për veprat penale “shpëlarja e parasë”, “mashtrim”, “falsifikim i dokumentit” dhe armëmbajtje pa leje.
Sipas një njoftimi të mërkurën, në rast janë përfshirë katër persona dhe janë sekuestruar pasuri të luajtshme dhe të paluajtshme.
Vlera totale e pasurisë së ngrirë dhe sekuestruar është 6,924,656.00 €. Ndër asetet e ngrira dhe të sekuestruara janë 59 banesa, 12 parcela në lokacione të ndryshime dhe 5 llogari bankare.
Shënjestrimi i rasteve të korrupsionit të profilit të lartë dhe krimit të organizuar nga institucionet kosovare bëhet si pjesë e përpjekjes për të prezantuar rezultate konkrete në fushën e mbizotërimit të ligjit.
Rastet e shënjestruara duhet të jenë të lidhura me keqpërdorim të vlerave të mëdha të parave përmes zyrtarëve publikë e që pas përfundimit të rastit, pasuria e fituar jashtëligjshëm duhet të konfiskohet./GAZETA PAPIRUS/
