Më 10 dhjetor të vitit 2024, Riho Terras vizitoi Varagën e Zubin Potokut. Çfarë pa në këtë vend, ku 11 ditë me parë, më 29 nëntor, ngjau një sulm-terrorist në kanalin e ujit Ibër-Lepenc, ai, si raportues për Kosovën në Parlamentin Evropian, e përmendi dhe në raportin e tij, i cili u votua këtë javë nga ky institucion i BE-së.
Në të, i bëhet thirrje Spanjës, Greqisë, Sllovakisë, Qipros, dhe Rumanisë të ndërrojnë qëndrim e ta njohin pavarësinë e shtetit që u shpall i tillë më 17 shkurt 2008.
Terras lajmëroi se ka një plan të madh që lidhet pikërisht me këtë temë.
“Po planifikoj që bashkë me disa eurodeputetë nga grupe të ndryshme politike të vizitoj ambasadorët e vendeve respektive në Bruksel. Në mënyrë që të marrë informacionet nga dora e parë se “Pse ata nuk e pranojnë faktin që Kosova është shtet-vend. Kjo është kështu për shumë vite. Dhe mos njohja e Kosovës , pas kaq kohe të gjatë është thjesht “qesharake””, tha Riho Terras, raportues për Kosovë-PE.
Gjetjet dhe rekomandimet e raportuesve për vendet që synojnë anëtarësimin në Bashkimin Evropian, kanë peshë të madhe politike por nuk janë të detyrueshme për institucionet evropiane, sikur që janë Komisioni dhe Këshilli i BE-së./GAZETA PAPIRUS/
