Policia e Kosovës ka shënuar një arritje të jashtëzakonshme në arenën ndërkombëtare, duke u shpallur kampione në turneun prestigjioz të futsallit “Copa Del Mare Tournament”, që u zhvillua në qytetin Marathon të Greqisë.
Në këtë garë, e cila mblodhi ekipe të agjencive të sigurisë nga mbarë bota, morën pjesë 51 ekipe nga 21 shtete.
Gjatë tri ditëve të turneut, përfaqësuesit e Policisë së Kosovës treguan përgatitje të lartë dhe profesionalizëm, duke fituar të gjitha tetë ndeshjet dhe duke e kurorëzuar këtë sukses me trofeun e kampionit.
Këto ishin përballjet dhe rezultatet e tyre:
Policia e Kosovës – APL 13 (Franca) 3:0
Policia e Kosovës – Bologna (Itali) 1:0
Policia e Kosovës – Bogota (Kolumbi) 3:1
Policia e Kosovës – ACIT (Zvicër) 4:2
Policia e Kosovës – IPA IAȘI (Rumani) 3:1
Çerekfinale: Policia e Kosovës – Moldova 0:0 (penallti 7:6)
Gjysmëfinale: Policia e Kosovës – APL 13 (Franca) 0:0 (penallti 10:9)
Finalja: Policia e Kosovës – Rumania 3:0
