Presidentja e vendit, Vjosa Osmani, do të zhvillojë një vizitë shtetërore në Zvicër më 21-22 maj, me ftesë të Presidentes së Konfederatës së Zvicrës, Karin Keller-Sutter.
Ky është moment historik, pasi shënon vizitën e parë të një kreu të shtetit të Kosovës në Zvicër.
Gjatë vizitës, Osmani do të mbajë takime me autoritetet zvicerane, do të mbahet një fjalim në Parlamentin e Zvicrës, dhe do të ketë një konferencë të përbashkët për media me Presidenten Keller-Sutter.
Po ashtu, dy presidentet do të vizitojnë një ndërmarrje prodhuese dhe një qendër të Universitetit të Saint Gallen.
Vizita thekson marrëdhëniet e ngushta dhe miqësore mes dy shteteve, të ndërtuara mbi vlerat demokratike dhe bashkëpunimin afatgjatë.
