Vedat Muriqi e shënoi një gol më 15 mars në fitoren ndaj Espanyolit. Më pas realizoi “hat-trick” për Kosovën ndaj Islandës.
Pas ndeshjeve të përfaqësueseve kishte një lëndim dhe nuk u grumbullua për duelin ndaj Valencias, ndërsa Mallorca humbi 1:0.
Por për ndeshjen vendimtare për ndaj Celta Vigos që luhet të shtunën nga ora 18:30, Muriqi do të jetë plotësisht i gatshëm. Ai ka stërvitur me shokët e skuadrës dhe duket në formë të mirë.
Ballafaqimi ndaj Celtas vlerësohet vendimtar nga trajneri Jagoba Arrasate, për arritjen e një vendi që dërgon në kupat evropiane për edicionin tjetër, ndonëse deri në fund të kampanjës ka edhe shumë ndeshje për t’u luajtur.
“Duhet t’i qasemi këtij dueli si finale. Ne kemi nevojë për këtë dhe nëse kjo kombinohet me rivalët direkt, ndeshja vlerësohet vendimtare”, ka thënë të premten trajneri Arrasate në konferencën për shtyp.
Për ndeshjen ndaj Celtas do të kthehet edhe sulmuesi tjetër, Cyle Larin.
“Muriqi dhe Larin janë mirë, i kemi sërish në skuadër”, ka deklaruar Arrasate, raporton Express transmeton Gazeta Papirus.
Muriqi ka zhvilluar 25 ndeshje në të gjitha garat me Mallorcan në edicionin aktual. Ka kontribuuar me shtatë gola e dy asistime.
