vokati kryesor i Hashim Thaçit, Luka Misetiq, ka treguar se nëse Mbrojtja do ta paraqes rastin e saj për t’ju kundërpërgjigjur akuzave të Zyrës së Prokurorit të Specializuar, duke thirrur edhe dëshmitarë, numri i tyre do të jetë i vogël përcjell Gazeta Papirus
“Nuk kemi ardhur në përfundim për një numër të caktuar por nuk do të jenë, si të themi – shuuumë dëshmitarë, me siguri që aspak afër asaj çfarë ka bërë Prokuroria në kuptimin e numrit të dëshmitarëve. Ne kemi për synim që të sjellim, gjithnjë nëse paraqesim çështjen tonë, që ajo të jetë relativisht e shkurtër sepse klientët tanë janë në paraburgim aktualisht dhe çdo ditë që kalon nuk mund të kthehet më mbrapa, andaj po përpiqemi ta përmbledhim sa më shpejt që është e mundur”.
Misetiq tregon se dëshmitarët do të jenë të ndryshëm ashtu që secili nga 4 ekipet mbrojtëse të Thaçit, Veselit, Krasniqit dhe Selimit ka në plan të thërrasë dëshmitarët e vet, njofton Klan Kosova.
“Secili ekip i Mbrojtjes do të thërras dëshmitarët që mendon se janë të përshtatshëm për mbrojtjen e tyre, patjetër që ka dëshmitarë që janë në dobi të të katër ekipeve mbrojtëse por shkurtimisht, secili ekip i mbrojtjes po punon për sjellë dëshmitarë të caktuar për klientët e tyre”. /Klankosova.tv
