Kryeministri izraelit, Benjamin Netanyahu tha sot se sulmet e Izraelit ndaj grupit islamik palestinez Hamas në Rripin e Gazës do të intensifikoheshin.
“Vetëm një kombinim i presionit ushtarak dhe diplomatik mund të kthejë pengjet”, tha Netanyahu në fillim të takimit javor të kabinetit, në Jerusalem.
Izraeli dhe Hamasi po negociojnë aktualisht një armëpushim të ri në Rripin e Gazës në bisedime indirekte. Pika e vështirë lidhet me numrin e pengjeve që duhet të lirohen.
“Presioni ushtarak po funksionon”, tha Netanyahu. Nga njëra anë, ajo po godet aftësitë ushtarake dhe qeverisëse të Hamasit, dhe nga ana tjetër po krijon kushtet për lirimin e pengjeve tona.
“Kabineti i Sigurisë vendosi dje në mbrëmje të rrisë presionin tashmë të lartë ndaj Hamasit”, tha ai. Të afërmit e pengjeve kanë paralajmëruar vazhdimisht se rifillimi i luftës do të rrezikonte jetën e të dashurve të tyre.
