Dogana e Kosovës ka njoftuar se sot ka konfiskuar 571 gram substancë të dyshuar narkotike të llojit kokainë, gjatë kontrollit të një autobusit të linjave ndërkombëtare.
Sipas njoftimit të Doganës, autobusi po qarkullonte në linjën Gjermani-Kosovë.
Oficerët doganor kanë ndaluar në Merdare autobusin e linjës Gjermani Kosovë gjatë hyrjes në Kosovë, pas kontrolleve fillestare të rregullt oficerët doganor në një valigje krahu kanë gjetur një sasi rreth 15 gram substancë të dyshuar narkotike të llojit kokainë”, thuhet në njoftim.
Po ashtu nga Dogana kanë bërë të ditur se pas kontrollit shtesë të valixheve dhe autobusit, janë gjetur edhe 20 paketime me sasi rreth 571 gram narkotikë të llojit kokainë.
“Rasti është dorëzuar tek policia për hetime të mëtejme”, thuhet më tej në njoftimin e Doganës.
