Ditën e enjtë edhe më tutje vijon mot i kthjellët dhe me diell. Erërat frynë të lehta nga perëndimi e veriperëndimi 1-4m/s. Temperaturat vazhdojnë me rritje deri në 13C e 15C, ato maksimale, e minimalet edhe më tutje zbresin në vlera negative, -4C e -2C.
Me kthjellime e diell parashihet moti edhe ditën e premtë. Më pas gjatë fundjave kalojnë më shpesh vransira, duke u dendësuar të dielen e të hënën, që japin mundësi për reshje të dobëta shiu. Temperaturat në trend gradual të rritjes deri në 17C e 18C, ato maksimale e minimalet rriten deri në 5C e 8C.
Nga dita e premtë erërat ndryshojnë kahjen në jugore e jugperëndimore e frynë të lehta dhe mesatare 3-8m/s, njofton Mendimi për Motin.
