Pak më parë ka përfunduar takimi midis përfaqësuesve të transportuesve të Podujevës dhe zyrtarëve të Komunës së Prishtinës.
Kryetari i Shoqatës së Transportit të Podujevës, Beqir Mustafa, ka zbuluar detaje nga marrëveshja, e cila pritet të finalizohet shumë shpejt.
“Ne u takuam me nënkryetarin e komunës, zyrtarë komunalë dhe përfaqësues të Ministrisë së Transportit. Ata vendosën që linja të kalojë nga rruga e Zagrebit (ish-Tjegullorja), përmes Pallatit të Rinës, ish-Boro Ramizi, stacionit të trenit dhe më pas stacionit të autobusëve, për t’u kthyer përsëri”, tha Mustafa për Indeksonline.
