Analistja Aida Dërguti ka thënë që pushteti aktual ekzekutiv ka doza të armiqësisë ndaj ish-krerëve të Ushtrisë Çlirimtare të Kosovës të cilët po gjykohen në Hagë.
“Nuk janë vetëm rivalë politikë. Pushteti aktual, mund të themi lirisht, që ka doza të armiqësisë ndaj atyre që janë në Hagë e posaçërisht ndaj ish-presidentit [Hashim] Thaçi”, ka thënë Dërguti në Rubikon.
“Pra, na e kemi një ministre të punëve të jashtme e cila me krenari deklaronte se ka dorëzuar dosje në Gjykatën Speciale sepse ajo e ka këtë bindje që me thanë: Këta janë, në njëfarë forme, kriminelë. Ajo mendon kështu”.
“Dhe, kur ke këtë mendësi, natyrisht që ti nuk mund as t’i përkrahësh”.
