Një atmosferë e rënduar dhe plot dhimbje ka mbuluar sot Burojën, ku miqtë dhe familjarët kanë filluar të mblidhen në shtëpinë e tashmë të ndjerit Haxhi Thaçi, babait të ish-presidentit Hashim Thaçi.
Në mesin e të pranishmëve është edhe djali i tij, Endrit Thaçi, si dhe nënkryetari i OVL-UÇK-së, Nasim Haradinaj, të cilët ndajnë dhimbjen me familjen dhe të afërmit e të ndjerit.
Infokusi ju sjell pamje nga Buroja, ku përgatitjet për ceremoninë e varrimit dhe të pamen kanë nisur.
Haxhi Thaçi ndërroi jetë mbrëmë, pas disa ditësh trajtimi në QKUK. Lajmi i ndarjes së tij nga jeta ka prekur shumëkënd, veçanërisht familjen, miqtë dhe ata që e njohën si një njeri të urtë e të respektuar.
Ceremonia e varrimit do të mbahet të martën, në orën 15:00, në varrezat e reja të fshatit Burojë.
Vetëm dy ditë më parë, ish-presidenti Hashim Thaçi ishte për vizitë në QKUK për të qëndruar pranë të atit, ndërsa mbrëmë, ai ndërroi jetë, duke lënë pas dhimbje dhe kujtime të pashlyeshme për familjen dhe të gjithë ata që e deshën dhe e respektuan.
