Presidentja e Kosovës, Vjosa Osmani, ka shprehur ngushëllime për vdekjen e babait të Hashim Thaçit.
Osmani ka thënë se vdekja e Haxhi Thaçit, është dhimbje e pamatshme që lë boshllëk të madh.
Njoftimi:
Presidentja Osmani ngushëllon ish-Presidentin Thaçi dhe familjen e tij për ndarjen nga jeta të Haxhi Thaçit
Me pikëllim mësuam lajmin për ndarjen nga jeta të z. Haxhi Thaçi, babait të ish-Presidentit dhe ish-Kryeministrit të Republikës së Kosovës, z. Hashim Thaçi.
Humbja e babait është dhimbje e pamatshme, e cila lë boshllëk të pazëvendësueshëm tek më të dashurit. Kontributi dhe dashuria e tij për atdheun, shpresoj të shndërrohen në udhërrëfyes dhe kujtime krenarie për të gjithë ata që e njohën.
Në emrin tim dhe në emër të popullit të Kosovës, ju shpreh ngushëllimet më të sinqerta ish-Presidentit Thaçi, gjithë familjes Thaçi, si dhe miqve e të gjithë të afërmve të z. Haxhi Thaçi.
Qoftë i përjetshëm kujtimi për të! I lehtë i qoftë dheu i Kosovës!
