Kryetari i Partisë Demokratike të Kosovës, Memli Krasniqi ka ndarë lajmin e ndarjes nga jeta të Haxhi Thaçit, babait të ish-Presidentit të Kosovës, Hashim Thaçi – i cili pas një sëmundje të rëndë u nda nga jeta teksa ishte i shtrirë në QKUK.
“Me dhembje të thellë mora lajmin për ndarjen nga jeta të Haxhi Thaçit, babait të Presidentit Hashim Thaçi. Sot, pas një beteje të gjatë me sëmundjen, nuk u shua vetëm një njeri, por një baba që i dha Kosovës një çlirimtar, një burrë që me përkushtimin dhe edukatën e tij ndihmoi në lindjen e një epoke të re për kombin tonë.
Ngushëllimet më të sinqerta Presidentit Thaçi, familjes Thaçi dhe mbarë kombit shqiptar. Haxhi Thaçi ishte më shumë se një prind – ai ishte një shtyllë e fortë e vlerave atdhetare, një njeri i urtë dhe fisnik, i cili la pas një trashëgimi të pavdekshme në historinë tonë.
U prehtë në paqe!”
