Të premtën e javës së kaluar, një fëmijë i moshës 10 vjeçare është sulmuar nga një tufë e qenve endacak në kryeqytete.
Nxënësi është sulmuar në afërsi të shkollës fillore të mesme të ulët “Ismail Qemali” në kryeqytet derisa ishte duke shkuar në shkollë.
Ai ka marrë lëndime në këmbë dhe si pasojë e kafshimit nga qentë është dashur t’i qepen dy pjesë të këmbës.
Kështu ka thënë për Gazetën Insajderi, nëna e nxënësit, Esmale Hakaj.
“Djali është sulmu nga qentë endacak në Prishtinë rreth orës 07:30 derisa ishte duke shkuar në shkollë. Ai është kafshu dy herë në këmbë dhe ka marrë trajtim mjekësorë. Për momentin gjendja e tij është stabile por që ka pësuar trauma të rënda”, tha ajo për Insajderin.
Aktualisht gjendja e fëmijës është stabile dhe po mjekohet në shtëpi.
Insajderi sjell pamje nga lëndimet që ka marrë në këmbrë.
