Një mjet i dyshimtë i cili pak më herë u raportua se u gjet në afërsi të Liqenit të Badocit, po del të jetë granatë e dorës.
Lidhur me rastin që ndodhi sot rreth orës 11:30, detaje ka dhënë edhe policia.
Zëdhënësi për rajonin e Prishtinës Agron Borovci, deklaroi për Klankosova.tv, se menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme për tu siguruar nga rreziku i shpërthimit eventual.
“Në vendngjarje kanë dalë edhe ekipet e specializuara të Policisë së Kosovës për menaxhimin e mjeteve shpërthyese, të cilët kanë kryer shpërthimin e kontrolluar dhe mjeti i dyshuar ka rezultuar të kenë qenë një granatë dore”, tha Borovci për Klankosova.tv
“Aktualisht policia po vojon punën e saj për trajtimin e rrethanave që karakterizojnë rastin”, deklaroi ai.
Nuk dihet nëse në këtë rast ka ndonjë person të dyshuar i cili mund ta ketë vendosur aty bombën./
