Ambasadori i Hungarisë në Bruksel, Tamas Ivan Kovacs, ka shkruar për pjesëmarrjen e tij në festën e organizuar nga Ambasada e Kosovës në Bruksel për nder të 17 vjetorit të pavarësisë. Kovacs ka thënë se ka qenë nder i madh që të përfaqësojë Hungarinë dhe të japë urime më të mira për ambasadorin e Kosovës, Agron Bajrami, me rastin e përvjetorit të pavarësisë së Kosovës.
Ai ka shkruar se Hungaria është shumë krenare për shërbimin profesional të trupave hungareze në Kosovë, që është edhe vendosja më e madhe jashtë vendit.
“Ne jemi shumë krenarë për shërbimin profesional të trupave tona hungareze, dislokimin tonë më të madh jashtë vendit me 400 ushtarë që shërbejnë në KFOR, duke kujtuar edhe udhëheqjen shumë kompetente të gjeneralmajorit hungarez Ferenc Kajári, ish-komandant i KFOR-it.”, ka shkruar ambasadori hungarez.
