Një vjedhje e rëndë ka ndodhur në Lipjan, ku persona të panjohur kanë thyer një shtëpi dhe kanë grabitur armë, fishekë dhe stoli ari.
Sipas raportit të policisë, ankuesi ka raportuar se hajdutët i kanë marrë një armë me 300 fishekë, tri armë gjuetie me 100 fishekë, si edhe stoli ari dhe bizhuteri, vlera e të cilave ende nuk është përcaktuar.
Rasti është duke u hetuar nga njësitet policore, ndërsa për këtë është njoftuar edhe prokurori. Policia po vazhdon punën për të identifikuar dhe kapur autorët e vjedhjes.
